小學的時候很流行寫聖誕咭, 記得當年聖誕咭的款式又多又漂亮, 每一張我都頭痛送比邊一位老師親戚朋友才好. 早十年前資訊發達, 又開始重視環保課題, 由聖誕咭開始變為聖誕e-card, 收到時雖然有動畫覺得好有新鮮感, 不過還是覺得手寫的聖誕咭來得有氣氛
今年哲婆婆及yuki表姨都有聖誕咭給哲哲, 說希望哲哲能感受一下收到聖誕咭的喜悅, 雖然現在常說環保環保, 但假如哲哲從沒收過的話, 大個就不會知道原來曾經有過聖誕咭這回事. 為了也和哲哲最要好的朋友們分享收到聖誕咭的喜悅, 所以決定今年寫聖誕咭~
(其實親手製作一張較有心思及誠意, 但我既手作仔唔見得人, 免得甩皮甩骨咁樣失禮人...)
或許現在不流行寫聖誕咭, 在一般的文具店都找不到較漂亮的box set聖誕咭, 有些挺漂亮的, 不過在小朋友眼中又不吸引, 最後哲哲自己揸主意挑了一盒
動筆前拍張照先~ 多謝牛姨送咁得意既貼紙比哲哲, 哲哲話要同朋友仔分享, 貼落聖誕咭度~
「揀邊張好呢?」
一盒十張, 哲哲真的好用心去揀邊一張送比邊一位朋友仔, 仲好似簽名會咁, 逐張潦隻龜話係簽名
哲哲簽好名, 輪到我寫字, 哲哲都好好奇問我寫緊咩
寫好聖誕咭就貼貼紙, 哲哲都好慷慨將貼紙貼上不同的聖誕咭, 只係留返一張比自己貼心口咋~
呢一晚哲哲好乖, 好專心咁寫晒咁多張聖誕咭無走開過, 希望朋友仔收到我們的聖誕咭會感受到多點點的聖誕氣氛啦~~
沒有留言:
張貼留言