七一連續三日假期, 本來是三天都節目豐富兼非常有口福, 可是早幾天哲哲突然腸胃炎, 上吐下瀉, 其中一天已經被迫要放朋友「飛機」無得食慶生飯, 之後幾天仲無得玩...
jul 1
表弟回流香港放暑期, 本來是一班親戚到香港仔飲茶晚上再飯聚. 哲哲斷斷續續痾嘔了三天, 這早見哲哲精神不好, 已經沒有去飲茶. 還以為哲哲訓醒精神得多可以晚上出動, 點知就輪到我, 睡完午覺後又痾又嘔, 早上只是吃過麵包同豆漿但整日已經嘔凸
最後因為不想全家人陪我留家養病, 所以哲哲就跟著哲爸出街, 得我一個人孤伶伶典床典蓆辛苦到連飲水都會嘔, 真真正正的嘔到「金」!
幸而在facebook可以看到舅公的update, 知道哲哲和晴晴表姨在放血樂園玩得開心也就放心了. 晚上海怡大食會 (嗚嗚...我無得食好慘), 哲爸打電話報定案說哲哲撞爆隻眼, 嚇得我好擔心! 看過facebook的即時報導, 哎呀...肉赤死!
因為實在太肚痛, 根本不能下床, 也就別說吃什麼喝什麼了...整晚不能睡...
jul 2
哲哲完全康復, 早上還很得戚的和我說: 「媽咪, 我好返晒唔洗再食粉食粥, 依家輪到你嘔, 你無得食飯我有得食!」
因為這晚親戚做滿月酒, 所以死頂都要去. 與此同時接到哲爸的電話, 原來哲爸都中招了, 今早已經在公司嘔過, 大家都很猶豫這晚是否能夠整整齊齊的出席
這天認真大陣仗, 先是奶奶一早入來湊走哲哲好讓我在家裡好好休息, 之後又要被迫放曉航同hazel「飛機」(sorry丫keith & sara...嗚嗚), 後來哲婆婆見我嘔以為我有喜更走入來陪我, 看來哲婆婆都好恨多個孫bor, 嘻嘻
哲婆婆走後, 又睡了半天, 感覺開始有點力, 胃也沒有頂住要嘔, 可以走下床吃點東西了. 為了試驗今晚是否可以去飲滿月酒, 我向自己做了一個的測試 - 食蝦條
其實是無力煮食又不想落街叫吃, 見到哲哲學校派的生日禮物包入面有蝦條, 於是開左包黎食...事後竟然無再嘔同痾, 可以換衫落樓!
哲哲正在同呈呈表妹玩車中
呢個就係哲哲個表叔啦! 雖然係細個哲哲, 但個輩份認真高. 呢晚仲有紅雞蛋食呢~ 表叔要飲多點奶奶快高長大同哲哲一齊玩車啦~
哲哲都好喜歡表叔仔, 係咁同表叔say hello, 又好溫柔咁摸表叔, 你同麻麻望住表叔既眼神...得啦得啦, 我知道點做架啦!
就係為左呢支偈油, 搞到成餐飯全部要蓋蓋就係為左等齊呢四個疑似打劫老笠既可疑人, 哈哈
jul 3
經過尋晚餐飯都沒有異樣, 這天的semi-lunch buffet也可以去吃了!
我們和戰隊去了patio 88吃semi-lunch buffet, 環境佈置不俗, 不過位子超迫! 分開坐都不是大問題, 大問題的是大家坐下來想起身取食物根本就很難移動. 前菜是每款份量少少, 因為餐廳規模不大, 可以保持食物的新鮮度及控制份量, 款式也可以略轉一點, 不錯啊~
生蠔配給制(我只吃了兩隻, 還不敢吃太多), parma ham配蜜瓜也不錯, 煙三文魚麥樂雞泰式魚餅和沙律也吃了不少. 本來對這餐廳感覺還不錯, 可是一上個主菜就非常失望了
炭燒西冷我要的是七成熟, 其實塊扒是很薄的, 根本就不需要問幾多成, 反正我說三成五成也不可能做到. 其次是非常, 是非常的苦及鞋! 我吃第一口已經第一時間吐出來! 我知道炭燒是有點炭燻的味道, 但這個味道我是不能接受, 唯有用大量的汁去掩蓋那口苦, 可是那個汁是毫無味道...(或許是我倒楣吧, 我聽米太公說他的西冷又不算太苦)
至於哲爸的炭燒羊扒, 則是不像羊也不像牛, 吃下也沒有什麼羊的感覺. 早知扒的質素如此, 我們吃pasta好了
雖然覺得大家樂的質素好過佢, 不過這個團購的價錢可以一家三口去吃其實也是很超值既...(都係唔好踩到咁盡, 急急收口...)
轉個話題, 哲哲無咩野食到, 不過全程和朋友仔玩車. 多得白雪姨姨好諗頭用檯紙畫了個馬路出來, 跟住一個一個的畫, 終於畫到四張要拼埋一齊先可以行既大馬路啦~
飯後陽光太猛烈, 齊齊去左玩轉ikea~
嘩! 維園有賽艇, 好快好刺激丫~~~
烈日之下在公園放電, 簡直係自虐, jayson同三包米有先見之明, 還是返家嘆冷氣的好~~
沒有留言:
張貼留言