自從秋英珠胎暗結長出花蕾之後, 天真既我以為過多三五七日就會開花生得, 每天一起身就跳落床和哲哲守在秋英前看看有沒有花開, 但見花蕾還是青青的緊閉著, 難道營養/水份/陽光不夠所以遲遲未開?
jan 3-13 (day 41-51)
接著個多星期經常下著毛雨, 天氣又濕又凍, 聽朋友說太大風會吹謝秋英, 於是將秋英移回室內避免直接吹風, 見天氣這樣潮濕, 於是沒有淋水, 非常有信心就算無直接的給水秋英也不會因為缺水而死掉 (大自然底下既花草都唔係成日有花農灑水, 同樣都係靠個天落雨先有水份, 都一樣生長得好好~)
越看就越覺得秋英好有我們家的影子, 同樣都係高高瘦瘦奀切切的, 見秋英長得這樣筆直, 都有點擔心風大一點會吹斷...
唔緊要! 秋英, 我對你有信心! 無論你瘦又好肥又好, 只要開到花就好!
jan 16 (day 54)
這早起床看到花蕾打開了少許, 秋英要開花了嗎?
jan 17 (day 55)
生左啦生左啦~~
在樓高六層的葉子襯托下, 我家秋英終於都開花啦! 哲哲最興奮, 第一時間伸手去摸秋英的花瓣, 然後問:「媽咪, 點解秋英係橙色唔係紫色既?」
「err...我都唔知呀, 或者我地呢棵秋英想做橙色既秋英掛...」
「好野, 秋英開左花lu, 我地快D帶返學校同同學仔分享啦~」
相比其他朋友, 我們家秋英無疑是比較遲才開花, 栽種的過程又沒有特別的研究如何長得又粗又盛, 不過我和哲哲的努力總算沒有白費, 看到秋英開花, 總算脫了「植物殺手」的污名~
不知道這朵花可以開多久呢? 不知道有沒有懷第二胎的機會呢? 更加不知道這盆秋英可以好好的捱到二月尾, 讓我們帶回學校和老師同學們欣賞同分享我們的經歷?
很期待~
沒有留言:
張貼留言